Gesjiedenis

Oeleskepel Tegels Blood

Opgerich op 11 mei 2001 en gesjtart met 11 leeje die toén allemaol vraemde van mekaar ware. Op 8 oktoëber 2006 veerde de kepel eur iërste 5½ jaörig lustrum;  de hellef van ellef.  In 2012, op 11 mei, waás 't dus twië-je kiër de hellef van ellef en in 2017 sjteit 't derde lustrum (dreej kiër de hellef van ellef) vur de deur. Ôngertösse is de kèpel oétgegreujd toet 19 muziekmakers die ‘nnen hechte bangk met mekaar hebbe. TB 2003

Dees kepel is nauw verbônge aan de  moodervereiniging, Vastelaovesgezelsjap D’n Oeles. Det wilt neet zegke det de kepel  beej alle optraejes van VG D’n Oeles aanwezig is (of zoel môtte zien). In good  euverlegk met mekaar wuërd jaorliks ’t programma vasgesjteld. De samewerking,  die VG D’n Oeles met angere Tegelse Joekskepelle haet, sjtaon weej neet in de waeg. ’t Sjteit de kepel vreej eige optraejes te regele die zich aevel neet môtte  biéte met ’t programma van ôs moodervereiniging.

Door  ’t jaor haer wuërd d’r op dônderdigsaovend   gerepeteerd in Café de Aaj Mert van half nege toet half elf,  ônger leiding van Stan Siebgens. Aansjloetend  sjteit ’t idderein vreej nag ein glaeske te drinke. Daor naevenbeej wuërd d’r vanoét de kèpel zelf van alles geregeld en/of  georganiseerd um d’n ôngerlinge bangk te versjterke. Zôngermiër meug ’t jaorlijkse bezeuk aan de wiénfiëste in Saarburg en de Körsmert te Köln ’n hoëgtepunt genump waere. Det wilt neet zegke det de optraejes tössendoor zoë wie serenaadjes, Berdenloup, Venloup en angere, minder gezellig zien; verre van det.

Vanaaf d’n elfde van d’n elfde brik d’r ’n drökke periode aan. Beej 't sjloéte van de vastelaovend is minnig-ein blie-j de "traöt" vur inkele waeke aan de kapsjtok te kenne hange.  Nao die korte rösperiode begint 't circus wir van veur aaf aan..... 

Oeleskepel Tegels Blood © 2009 

Kepel 2008

 

 

 

 


"Tegels Blood...
Det is pas good!"

Tegels Blood is verbônge aan:

Kalender